ສ່ວນຂະຫຍາຍ METRO BLUE LINE

Minneapolis ແລະ ຊຸມຊົນທາງທິດຕາເວັນຕົກສຽງເໜືອ

ໂຄງການຂົນສົ່ງໂດຍສານທາງລົດໄຟເບົາສ່ວນຂະຫຍາຍ METRO Blue Line ຈະຂະຫຍາຍສາຍ Blue Line ທີ່ມີຢູ່ແລ້ວໄປທາງທິດຕາເວັນຕົກສຽງເໜືອ ແຕ່ສະຖານີ Target Field, ເຊິ່ງຈະຮັບໃຊ້ຊຸມຊົນຂອງ North Minneapolis, Robbinsdale, Crystal ແລະ Brooklyn Park.

ພວກເຮົາມີການບໍລິການລ່າມແປພາສາຢູ່ທຸກກອງປະຊຸມສາທາລະນະຂອງພວກເຮົາ. ເພື່ອຂໍການບໍລິການລ່າມແປພາສາ, ກະລຸນາໂທຫາ Nkongo Cigolo ທີ່ໝາຍເລກ (612) 373-3825.

ແຜນທີ່ແບບໂຕ້ຕອບ

ສໍາຫຼວດ ແລະ ປະກອບຄໍາຄິດເຫັນກັບເສັ້ນທາງ ແລະ ແຜນການປັດຈຸບັນໂດຍນໍາໃຊ້ແຜນທີ່ແບບໂຕ້ຕອບຢູ່ລຸ່ມນີ້.

ເປີດແຜນທີ່ເວີຊັນໃຫຍ່ຂຶ້ນເພື່ອສໍາຫຼວດ ແລະ ປະກອບຄໍາຄິດເຫັນ. ແຜນທີ່ແມ່ນມີການຮອງຮັບໃນບຣາວເຊີ Google Chrome, Firefox, Edge ແລະ Safari.

Interactive map of Blue Line Extension route options.

ກ່ຽວກັບໂຄງການ

ກ່ຽວກັບສ່ວນຂະຫຍາຍ BLUE LINE

ສ່ວນຂະຫຍາຍ METRO Blue Line ແມ່ນຖືກສະເໜີເພື່ອດໍາເນີນງານທາງລົດໄຟເບົາທີ່ມີຄວາມຍາວ 13.4 ໄມລ໌ ທີ່ເຊື່ອມຕໍ່ເມືອງຫຼວງ Minneapolis ກັບຊຸມຊົນຕ່າງໆຂອງ North Minneapolis, Robbinsdale, Crystal ແລະ Brooklyn Park. ໂຄງການທີ່ໄດ້ສະເໜີຈະປັບປຸງການຂົນສົ່ງໂດຍສານໃນເຂດຕາເວັນຕົກສຽງເໜືອຂອງເຂດເມືອງແຝດທີ່ມີການເດີນທາງຫຼາຍ ແລະ ທີ່ມີລົດໄຟບ່ອນນັ່ງດຽວແຕ່ Brooklyn Park ຫາສະໜາມບິນ MSP ແລະ Mall of America. ໂຄງການໃຫ້ໂອກາດໃນການລົງທຶນໃນຊຸມຊົນ BIPOC ແລະ ຫຼຸດຄວາມແຕກຕ່າງຂອງເຂດ.
ໃນການເຊື່ອມຕໍ່ກັບ METRO Blue Line ທີ່ມີຢູ່ແລ້ວທີ່ສະຖານີ Target Field, ການຂະຫຍາຍ Blue Line ແລະ ສະຖານີໃໝ່ 13 ແຫ່ງ ຈະເປັນສ່ວນໜຶ່ງຂອງລະບົບຄົບວົງຈອນຂອງການບໍລິການຂົນສົ່ງໂດຍສານສາທາລະນະໃນເຂດ, ລວມທັງການເຊື່ອມຕໍ່ກັບ METRO Green Line, ສາຍ Northstar Commuter Rail, ສາຍລົດເມໂດຍສານດ່ວນ, ການບໍລິການລົດເມທີ່ມີຢູ່ແລ້ວ ແລະ ທາງຜ່ານໃນອະນາຄົດທີ່ຈະມີການສະເໜີ.

ເຊື່ອມຕໍ່ຜູ້ຄົນກັບໂອກາດ ແລະ ປາຍທາງໃໝ່ໆ

ເຊື່ອມໂຍງປະຊາຊົນຢ່າງມີປະສິດພາບຂຶ້ນກັບໂອກາດດ້ານການສຶກສາ ແລະ ວຽກເຮັດງານທໍາ, ຫຼຸດເວລາເດີນທາງ ແລະ ເພີ່ມການເຂົ້າເຖິງສິນຄ້າ ແລະ ການບໍລິການໃນເຂດທີ່ໃຫ້ຄວາມສໍາຄັນແກ່ການສ້າງຄວາມອຸດົມສົມບູນແກ່ຊຸມຊົນ.
ປັບປຸງດ້ານສາທາລະນະສຸກ ແລະ ຫຼຸດມົນລະພິດ ໂດຍການເຊື່ອມຕໍ່ປະຊາຊົນ ກັບການບໍລິການເບິ່ງແຍງສຸຂະພາບ ທີ່ມີຄຸນນະພາບ ແລະ ໃຫ້ທາງເລືອກດ້ານການຂົນສົ່ງໂດຍສານທີ່ເປັນແບບສີຂຽວ ແລະ ຄ່ອງຕົວ.
ລົງທຶນດ້ານການຂົນສົ່ງໂດຍສານທີ່ສາມາດໃຊ້ໄດ້ໂດຍຫຼາຍຮຸ່ນຄົນ ແລະ ທີ່ບໍ່ເຄີຍມີມາກ່ອນ ໃນເຂດທີ່ເຄີຍມີປະຫວັດການຢຽດເຊື້ອຊາດໃນລະບົບ ແລະ ທີ່ມີຄົວເຮືອນທີ່ບໍ່ມີລົດໃນອັດຕາສ່ວນທີ່ສູງ.

ການວາງແຜນສ່ວນຂະຫຍາຍ Blue Line ແມ່ນໄດ້ດໍາເນີນແຕ່ປີ 2014. ໂດຍຜ່ານຄວາມພະຍາຍາມເຫຼົ່ານີ້, ໄດ້ມີການຮ່ວມມື ແລະ ຮ່ວມງານໃນລະດັບສູງກັບໜ່ວຍງານ ແລະ ຄູ່ຮ່ວມງານໃນຊຸມຊົນໃນທຸກລະດັບ. ສະພາເມືອງຫຼວງ ແລະ ເຂດປົກຄອງ Hennepin ເຮັດວຽກຮ່ວມກັນເພື່ອພັດທະນາ ແລະ ສ້າງໂຄງການດັ່ງກ່າວນີ້.

ຜູ້ມີສ່ວນຮ່ວມຂອງຊຸມຊົນ

ນັບແຕ່ປີ 2020, ໂຄງການສ່ວນຂະຫຍາຍ METRO Blue Line ໄດ້ຂະຫຍາຍການເຂົ້າເຖິງຂອງພະນັກງານ ທີ່ມີສ່ວນຮ່ວມກັບສາທາລະນະຂອງເຂົາເຈົ້າ ໂດຍການວ່າຈ້າງ 17 ຊຸມຊົນ ແລະ ກຸ່ມວັດທະນະທໍາໂດຍກົງ. ພະນັກງານປະຈໍາໂຄງການຮັບຮູ້ເຖິງຄຸນຄ່າຂອງປະສົບການ, ຄວາມຊ່ຽວຊານ ແລະ ເຄືອຂ່າຍສາຍພົວພັນທີ່ເຊື່ອຖືໄດ້ຂອງກຸ່ມເຫຼົ່ານີ້, ໂດຍສະເພາະກັບຊຸມຊົນທີ່ມີລາຍໄດ້ຕໍ່າ ແລະ ຊຸມຊົນສີຜິວໃນເຂດ. ນອກຈາກນັ້ນ, ກຸ່ມເຫຼົ່ານີ້ຍັງມີບົດບາດທີ່ສໍາຄັນກັບການມີສ່ວນຮ່ວມຂອງຊຸມຊົນໃນຊ່ວງເວລາທີ່ຍາກລໍາບາກທີ່ມີພະຍາດໂຄວິດ-19 ແລະ ຄວາມບໍ່ສະຫງົບໃນສັງຄົມ.
ເຂດປົກຄອງ Hennepin, ໃນຖານະເປັນຄູ່ຮ່ວມງານຫຼັກໃນໂຄງການ, ໄດ້ວ່າຈ້າງກຸ່ມເຫຼົ່ານີ້ໃຫ້ມີສ່ວນຮ່ວມໂດຍກົງ ດ້ວຍຍຸດທະສາດທີ່ເໝາະສົມທາງດ້ານວັດທະນະທໍາເຊັ່ນ: ການຈັດກອງປະຊຸມຂອງຊຸມຊົນ ແລະ ກຸ່ມເປົ້າໝາຍ, ການນໍາສະເໜີໃນງານປັອບອັບ, ການເຂົ້າຫາຢູ່ເຮືອນ, ການສໍາຫຼວດ, ການກວດສອບການແປພາສາ, ວິດີໂອ, ຮູບພາບ, ງານຖ່າຍທົດສອດທາງ Facebook ແລະ ການສະແດງທາງດ້ານວັດທະນະທໍາ. ການສະໜັບສະໜູນເພີ່ມເຕີມ ມີການໃຫ້ຄໍາປຶກສາກ່ຽວກັບການສື່ສານໂຄງການ, ການຂະຫຍາຍການສື່ສານໂຄງການຫາເຄືອຂ່າຍສື່ສັງຄົມທີ່ອີງໃສ່ຊຸມຊົນຢ່າງຫຼາກຫຼາຍ, ການເຮັດເອກະສານ ແລະ ການລາຍງານກ່ຽວກັບຄໍາຕິຊົມຈາກຊຸມຊົນ, ການເຂົ້າຮ່ວມໃນການປະຊຸມຮ່ວມງານປະຈໍາເດືອນ ແລະ ການສົ່ງລາຍງານສະບັບສຸດທ້າຍໃນຕອນທ້າຍຂອງໄລຍະການມີສ່ວນຮ່ວມ.
ຜົນໄດ້ຮັບໂດຍກົງຈາກສະມາຊິກຮ່ວມງານເຫຼົ່ານີ້ປະກອບມີການລິເລີ່ມຕໍ່ຕ້ານການຍົກຍ້າຍ, ການອອກແບບ ແລະ ການພິຈາລະນາດ້ານວິສະວະກໍາ, ການກໍານົດຊຸມຊົນ ແລະ ຊັບພະຍາກອນດ້ານວັດທະນະທໍາ, ແນວທາງ ແລະ ຍຸດທະສາດດ້ານການສື່ສານ, ຮູບແບບ 3 ມິຕິທີ່ສ້າງໂດຍພະນັກງານຝຶກງານທີ່ເປັນໄວໜຸ່ມ ແລະ ລາຍການລະອຽດກ່ຽວກັບບັນຫາຂອງຊຸມຊົນ, ຂໍ້ກັງວົນ ແລະ ໂອກາດຕ່າງໆ.
ເບິ່ງກິດຈະກໍາຮ່ວມງານຫຼ້າສຸດ

ການປະຊຸມ ແລະ ງານຊຸມຊົນ

ການມີສ່ວນຮ່ວມຂອງຊຸມຊົນ

ສຽງຂອງຊຸມຊົນ ແມ່ນພາກສ່ວນທີ່ສໍາຄັນຂອງຂະບວນການຕັດສິນໃຈຂອງໂຄງການສ່ວນຂະຫຍາຍ Blue Line, ສະນັ້ນ ຈົ່ງບອກແນວຄິດຂອງທ່ານ ແລະ ຊ່ວຍສ້າງອະນາຄົດຂອງສ່ວນຂະຫຍາຍ Blue Line.
ໜຶ່ງໃນຫຼັກການຊີ້ນໍາຂອງໂຄງການ ແມ່ນການເຄື່ອນໄຫວດ້ວຍຄວາມເຊື່ອຖືທີ່ວ່ອງໄວ. ພວກເຮົາຈະບໍ່ເຄື່ອນໄປທາງໜ້າ ຈົນກວ່າພວກເຮົາຈະໄດ້ຮັບການສະໜັບສະໜູນ ແລະ ການເຂົ້າຮ່ວມຈາກຊຸມຊົນ. ຄວາມພະຍາຍາມ ໃນການເຮັດໃຫ້ມີສ່ວນຮ່ວມຂອງພວກເຮົາຕ້ອງໜັກແໜ້ນ, ລວມເອົາທຸກພາກສ່ວນ ແລະ ມີຄວາມຄ່ອງຕົວ ເພື່ອຮັບປະກັນວ່າ ພວກເຮົາມີແນວຮ່ວມ ທີ່ມອບຜົນປະໂຫຍດສູງສຸດໃຫ້ແກ່ຊຸມຊົນ. ຫຼັກການຂອງໂຄງການ ຂອງພວກເຮົາສະຖ້ອນໃຫ້ເຫັນເຖິງຄວາມມຸ່ງໝັ້ນນີ້ທີ່ມີຕໍ່ສາທາລະນະ ແລະ ພວກເຮົາຈະສືບຕໍ່ມີສ່ວນຮ່ວມກັບຊຸມຊົນຢ່າງມີຄວາມໝາຍ ໃນຂະນະທີ່ການລົງທຶນດັ່ງກ່າວນີ້ ທີ່ມີຄັ້ງໜຶ່ງໃນໜຶ່ງຮຸ່ນຄົນ ເຄື່ອນໄປຂ້າງໜ້າ.

ນອກຈາກ ກອງປະຊຸມຄະນະກໍາມະການໃຫ້ຄໍາປຶກສາ, ສະພາເມືອງຫຼວງຍັງໃຫ້ໂອກາດອື່ນໆເພື່ອໃຫ້ສາທາລະນະມີສ່ວນຮ່ວມ.

ປ້ອງກັນບໍ່ໃຫ້ມີການຍົກຍ້າຍ ແລະ ມອບປະໂຫຍດສູງສຸດໃຫ້ແກ່ຊຸມຊົນ

ສ່ວນຂະຫຍາຍ METRO Blue Line ສ້າງໂອກາດທີ່ຕື່ນເຕັ້ນເພື່ອພັກດັນວິໄສທັດຂອງຊຸມຊົນສໍາລັບການລົງທຶນ ແລະ ການພັດທະນາດ້ານເສດຖະກິດ ທີ່ສາມາດຊ່ວຍປະຊາຊົນ ແລະ ທຸລະກິດຕ່າງໆສ້າງຄວາມອຸດົມສົມບູນຢູ່ກັບບ່ອນ ແລະ ປັບປຸງຄຸນນະພາບຂອງຊີວິດ. ການລົງທຶນໃນພື້ນຖານໂຄງລ່າງທີ່ສໍາຄັນ ໄດ້ສ້າງຄວາມກັງວົນກ່ຽວກັບການຍົກຍ້າຍປະຊາຊົນ ແລະ ທຸລະກິດຕ່າງໆ. ຄູ່ຮ່ວມງານຂອງໂຄງການໄດ້ຮັບຟັງຄວາມກັງວົນເຫຼົ່ານີ້ ແລະ ໄດ້ໃຫ້ຄວາມສໍາຄັນຫຼາຍແກ່ພວກມັນ. ພວກເຮົາມີຄວາມມຸ່ງໝັ້ນໃນການເຮັດວຽກຮ່ວມກັບຊຸມຊົນ ເພື່ອປ້ອງກັນບໍ່ໃຫ້ມີການຍົກຍ້າຍ ແລະ ໃຫ້ຜົນປະໂຫຍດສູງສຸດ ທີ່ທາງລົດໄຟເບົາສາມາດໃຫ້ໄດ້ຢ່າງໝັ້ນໃຈ.
ສິ່ງເຫຼົ່ານີ້ແມ່ນບັນຫາທີ່ສໍາຄັນ ແລະ ຊັບຊ້ອນ ທີ່ເຮັດໃຫ້ຄູ່ຮ່ວມງານທີ່ຫຼາກຫຼາຍມາຮ່ວມກັນດ້ວຍຄວາມບໍລິສຸດໃຈເພື່ອຄິດ ແລະ ດໍາເນີນການຢ່າງສ້າງສັນ. ວຽກງານແມ່ນພວມດໍາເນີນຢູ່ເພື່ອກໍານົດແຫຼ່ງຊັບພະຍາກອນ ແລະ ເຄື່ອງມືທີ່ມີຢູ່ ທີ່ສາມາດສະໜັບສະໜູນທຸລະກິດ ແລະ ປະຊາຊົນໃນປັດຈຸບັນ. ຜູ້ມີສ່ວນຮ່ວມ ແລະ ຄູ່ຮ່ວມງານຈະສືບຕໍ່ເຮັດວຽກ ໃນຊຸ່ມເດືອນທີ່ຈະມາເຖິງ ເພື່ອກໍານົດຄວາມຕ້ອງການ ແລະ ຊ່ອງຫວ່າງເພີ່ມເຕີມ, ຈັດຕັ້ງປະຕິບັດຍຸດທະສາດ ທີ່ສະໜັບສະໜູນການພັດທະນາ ແລະ ການສ້າງຄວາມອຸດົມສົມບູນໃຫ້ແກ່ຊຸມຊົນຢ່າງເທົ່າທຽມກັນ ແລະ ການແກ້ໄຂຄວາມກົດດັນ ທີ່ສາມາດນໍາໄປສູ່ການຍົກຍ້າຍ.
ສໍາລັບຂໍ້ມູນເພີ່ມເຕີມກ່ຽວກັບການລິເລີ່ມ ແລະ ວິທີປະກອບຄໍາຄິດເຫັນ, ກະລຸນາເຂົ້າເບິ່ງ: https://yourblueline.org/anti-displacement

ການຍິນຍອມຂອງເທດສະບານ

ໃນ Minnesota, ໂຄງການຂົນສົ່ງໂດຍສານຂະໜາດໃຫຍ່ເຊັ່ນ:ສ່ວນຂະຫຍາຍ METRO Blue Line ຈໍາເປັນຕ້ອງໄດ້ຮັບການອະນຸມັດທ້ອງຖິ່ນຕໍ່ອົງປະກອບໃນການອອກແບບດ້ານຮູບປະທໍາ. ໄດ້ມີການຜ່ານກົດໝາຍ (Minnesota Statutes Sec. 473.3994) ເພື່ອຮັບປະກັນວ່າເມືອງ ແລະ ຊຸມຊົນເປັນຄູ່ຮ່ວມງານໃນໂຄງການທີ່ຈະມີຜົນກະທົບ ແລະ ມີປະໂຫຍດຕໍ່ປະຊາຊົນຂອງເຂົາເຈົ້າ.
ຂະບວນການດັ່ງກ່າວນີ້ແມ່ນເອີ້ນວ່າ "ການຍິນຍອມຂອງເທດສະບານ". ມັນກ່ຽວຂ້ອງກັບແຕ່ລະເມືອງ ແລະ ເຂດປົກຄອງທີ່ຢູ່ຕາມເສັ້ນທາງລົດໄຟ ໂດຍຈະມີການຈັດການຮັບຟັງຄວາມຄິດເຫັນຈາກສາທາລະນະ ເພື່ອຮັບຂໍ້ມູນຈາກປະຊາຊົນ ແລ້ວຈາກນັ້ນແມ່ນການລົງຄະແນນສຽງເພື່ອອະນຸມັດແຜນການອອກແບບໂຄງການໃນເບື້ອງຕົ້ນ. ຖ້າເມືອງບໍ່ລົງຄະແນນສຽງ ເພື່ອອະນຸມັດແຜນການອອກແບບ, ເຂົາເຈົ້າຕ້ອງໄດ້ອະທິບາຍວ່າ ຈໍາເປັນຕ້ອງໄດ້ປ່ຽນແປງຫຍັງ ຕໍ່ແບບເປັນຮູບປະທໍາຂອງໂຄງການ ເພື່ອທີ່ຈະໄດ້ຮັບການອະນຸມັດຈາກເຂົາເຈົ້າ.
ໃນລະດູຮ້ອນຂອງປີ 2024 ນີ້, ບັນດາເມືອງຕາມເສັ້ນທາງລົດໄຟຈະເລີ່ມຂະບວນການທີ່ເອີ້ນວ່າ "ການຍິນຍອມຂອງເທດສະບານ" ເຊິ່ງຈະປະກອບມີການກວດສອບຂອງທ້ອງຖິ່ນ ແລະ ການໃຫ້ຄໍາຕິຊົມຕໍ່ອົງປະກອນໃນການອອກແບບດ້ານຮູບປະທໍາ. ກະລຸນາລໍຖ້າຕິດຕາມກອງປະຊຸມຂອງຊຸມຊົນ ແລະ ການຮັບຟັງຄໍາຄິດເຫັນຈາກສາທາລະນະ ທີ່ຈະຈັດຂຶ້ນໃນເມືອງຂອງທ່ານ.

ການກວດສອບດ້ານສິ່ງແວດລ້ອມ

ໂຄງການຂົນສົ່ງໂດຍສານຂະໜາດໃຫຍ່ເຊັ່ນ: ສ່ວນຂະຫຍາຍ Blue Line ແມ່ນມີຈຸດປະສົງ ເພື່ອທີ່ຈະນໍາຜົນປະໂຫຍດ ທີ່ສໍາຄັນມາໃຫ້. ຜົນປະໂຫຍດທີ່ສໍາຄັນເຫຼົ່ານັ້ນຍັງສາມາດນໍາຜົນກະທົບມາສູ່ຄຸ້ມ, ທຸລະກິດ ແລະ ສິ່ງແວດລ້ອມນໍາ.
ຂະບວນການກວດສອບດ້ານສິ່ງແວດລ້ອມສໍາລັບສ່ວນຂະຫຍາຍ METRO Blue Line ແມ່ນຂໍ້ກໍານົດຂອງລັດຖະບານກາງ ເພື່ອກໍານົດຜົນປະໂຫຍດດ້ານສິິ່ງແວດລ້ອມ, ສັງຄົມ ແລະ ເສດຖະກິດ ແລະ ຜົນກະທົບຈາກໂຄງການ ແລະ ວິທີຫຼີກເວັ້ນ, ຫຼຸດຈໍານວນ ຫຼື ຫຼຸດຜ່ອນຜົນກະທົບທີ່ບໍ່ໄດ້ຕັ້ງໃຈ.
ຂະບວນການກວດສອບດ້ານສິ່ງແວດລ້ອມສໍາລັບເສັ້ນທາງປັດຈຸບັນປະກອບມີສອງພາກສ່ວນ:
ຄໍາຖະແຫຼງກ່ຽວກັບຜົນກະທົບດ້ານສິ່ງແວດລ້ອມສະບັບຮ່າງເສີມ (Supplemental Draft Environmental Impact Statement, SDEIS)
ຄໍາຖະແຫຼງກ່ຽວກັບຜົນກະທົບດ້ານສິ່ງແວດລ້ອມສະບັບສົມບູນເສີມ (Supplemental Final Environmental Impact Statement, SFEIS)
ໂຄງການສ່ວນຂະຫຍາຍ METRO Blue Line ໄດ້ດໍາເນີນວຽກງານນີ້ຕາມທີ່ກໍານົດໂດຍກົດໝາຍດ້ານນະໂຍບາຍສິ່ງແວດລ້ອມແຫ່ງຊາດ (National Environmental Policy Act, NEPA) ແລະ ກົດໝາຍດ້ານນະໂຍບາຍສິ່ງແວດລ້ອມຂອງ Minnesota (Minnesota Environmental Policy Act, MEPA) ແລະ ໄດ້ເຜີຍແຜ່ຄໍາຖະແຫຼງກ່ຽວກັບຜົນກະທົບດ້ານສິ່ງແວດລ້ອມສະບັບຮ່າງເສີມໃນລະດູຮ້ອນຂອງປີ 2024 ເພື່ອຮັບຄໍາຄິດເຫັນຈາກສາທາລະນະ.

ແຈ້ງການເຖິງສາທາລະນະ

ສະພາເມືອງຫຼວງ ແລະ ໜ່ວຍງານບໍລິຫານດ້ານການຂົນສົ່ງໂດຍສານຂອງລັດຖະບານກາງ ໄດ້ຈັດກຽມຄໍາຖະແຫຼງກ່ຽວກັບຜົນກະທົບດ້ານສິ່ງແວດລ້ອມສະບັບຮ່າງເສີມ (SDEIS) ສໍາລັບໂຄງການສ່ວນຂະຫຍາຍ METRO Blue Line. ໃຫ້ເຂົ້າເບິ່ງໜ້າ EIS ສະບັບຮ່າງເສີມ ເພື່ອອ່ານ SDEIS ແລະ ວິທີປະກອບຄໍາຄິດເຫັນ.

EIS ແມ່ນຫຍັງ?

ຄໍາຖະແຫຼງກ່ຽວກັບຜົນກະທົບດ້ານສິ່ງແວດລ້ອມປະກອບມີການສຶກສາລະອຽດ ແລະ ເອກະສານກ່ຽວກັບຜົນປະໂຫຍດ ແລະ ຜົນກະທົບທີ່ອາດຈະເກີດຂຶ້ນຢ່າງຫຼວງຫຼາຍຈາກໂຄງການໃນຊ່ວງການກໍ່ສ້າງ ແລະ ການດໍາເນີນໂຄງການ, ລວມທັງ:

ການນໍາໃຊ້ທີ່ດິນ ແລະ ໂຄງການເຂົ້າກັບການນໍາໃຊ້ທີ່ດິນທີ່ມີຢູ່ແລ້ວ ຫຼື ທີ່ວາງແຜນໄວ້ແນວໃດ
ຜົນກະທົບຕໍ່ຊຸມຊົນ ຫຼື ບັນດາຊຸມຊົນທີ່ຢູ່ອ້ອມຮອບໂຄງການ
ຊັບສິນທີ່ອາດຈະຕ້ອງໄດ້ຊື້ ແລະ ປະຊາຊົນ ຫຼື ທຸລະກິດໃດທີ່ອາດຈະຕ້ອງໄດ້ຍົກຍ້າຍ
ຄວາມຕ້ອງການດ້ານທຸລະກິດ, ລວມທັງການເຂົ້າ-ອອກໃນຊ່ວງການກໍ່ສ້າງ, ການຍົກຍ້າຍ, ລາຍຮັບ
ຜົນກະທົບທາງອ້ອມ ແລະ ທີ່ເພີ່ມຂຶ້ນຈາກໂຄງການ
ຊຸມຊົນທີ່ມີສະພາບແວດລ້ອມທີ່ຍຸຕິທໍາ (ຕົວຢ່າງ: ຊຸມຊົນສີຜິວ, ຊຸມຊົນລາຍໄດ້ຕໍ່າ, ຊຸມຊົນຄົນພິການ,ອື່ນໆ)
ຊັບຊິນທາງປະຫວັດສາດ
ສວນສາທາລະນະ
ຜົນກະທົບຕໍ່ການແນມເຫັນ
ຄວາມປອດໄພ
ການຂົນສົ່ງໂດຍສານ, ລວມທັງລົດຖີບ, ຄົນຍ່າງ, ການຂົນສົ່ງໂດຍສານ, ພາຫະນະ, ລາງລົດຂົນສົ່ງ ແລະ ການຂົນສົ່ງທາງອາກາດ
ຊັບພະຍາກອນນໍ້າ, ລວມທັງພື້ນທີ່ຊຸ່ມນໍ້າ, ທົ່ງພຽງທີ່ນໍ້າຖ້ວມເຖິງ, ນໍ້າຝົນ, ນໍ້າໃຕ້ດິນ, ຄຸນນະພາບນໍ້າ
ດິນ ແລະ ຊັບພະຍາກອນທາງທໍລະນີສາດ
ພືດ ແລະ ສັດ, ລວມທັງສາຍພັນທີ່ຖືກຄຸກຄາມ ແລະ ເປັນອັນຕະລາຍ
ສຽງ ແລະ ການສັ່ນສະເທືອນ
ຊັບສິນທີ່ຕິດເຊື້ອ ແລະ ວັດຖຸທີ່ເປັນອັນຕະລາຍ
ມົນລະພິດທາງອາກາດ, ການປ່ອຍອາຍແກ໊ສເຮືອນກະຈົກ ແລະ ການໃຊ້ພະລັງງານ

ການກວດສອບດ້ານສິ່ງແວດລ້ອມຂອງເສັ້ນທາງກ່ອນໜ້ານັ້ນ

ໃນປີ 2016, ຄໍາຖະແຫຼງກ່ຽວກັບຜົນກະທົບດ້ານສິ່ງແວດລ້ອມສະບັບສົມບູນ (FEIS ສະບັບປີ 2016) ຖືກເຜີຍແຜ່ ແລະ ໄດ້ມີການອອກບັນທຶກຂໍ້ຕົກລົງໂດຍໜ່ວຍງານບໍລິຫານດ້ານການຂົນສົ່ງໂດຍສານຂອງລັດຖະບານກາງສໍາລັບເສັ້ນທາງເບື້ອງຕົ້ນ. ເນື່ອງຈາກມີການປ່ຽນເສັ້ນທາງນປີ 2022 (ລິ້ງຫາບົດລາຍງານການແກ້ໄຂເສັ້ນທາງ), ຕອນນີ້ແມ່ນໄດ້ມີການແກ້ໄຂ FEIS ສະບັບປີ 2016 ເພື່ອປະເມີນຜົນການຈັດລາງໃໝ່ຜ່ານ DEIS ແລະ FEIS ສະບັບເສີມ.
ເບິ່ງເອກະສານດ້ານສິ່ງແວດລ້ອມຈາກເສັ້ນທາງກ່ອນໜ້ານັ້ນ

EIS ສະບັບຮ່າງເສີມ

ໄດ້ມີການກຽມຄໍາຖະແຫຼງກ່ຽວກັບຜົນກະທົບດ້ານສິ່ງແວດລ້ອມສະບັບຮ່າງເສີມ (SDEIS) ໂດຍສະພາເມືອງຫຼວງ ແລະ ຈະມີໃຫ້ກວດສອບໃນລະດູໃບໄມ່ປົ່ງ/ລະດູຮ້ອນຂອງປີ 2024.
ມັນຈະກໍານົດຜົນປະໂຫຍດ ແລະ ຜົນກະທົບຂອງໂຄງການຢ່າງຊັດເຈນ. ມັນຍັງຈະກໍານົດວິທີຫຼີກເວັ້ນ, ຫຼຸດຈໍານວນ ຫຼື ຫຼຸດຜ່ອນຜົນກະທົບທາງລົບທີ່ອາດຈະເກີດຂຶ້ນ. ເມື່ອມັນຖືກເຜີຍແຜ່, ສາທາລະນະ ແລະ ໜ່ວຍງານຕ່າງໆຈະມີເວລາ 45 ວັນ ໃນການປະກອບຄໍາຄິດເຫັນເພື່ອກວດສອບ ແລະ ໃຫ້ຄໍາຕິຊົມ. ຄໍາຄິດເຫັນທີ່ໄດ້ຮັບຈະແຈ້ງໃຫ້ຮູ້ເຖິງຂັ້ນຕອນຕໍ່ໄປ ແລະ ຄວາມມຸ່ງໝັ້ນໃນການຫຼີກເວັ້ນ, ຫຼຸດຈໍານວນ ແລະ ຫຼຸດຜ່ອນຜົນກະທົບທາງລົບທີ່ອາດຈະເກີດຂຶ້ນ.

EIS ສະບັບສົມບູນເສີມ

ຄໍາຖະແຫຼງກ່ຽວກັບຜົນກະທົບດ້ານສິ່ງແວດລ້ອມສະບັບສົມບູນເສີມ (SFEIS) ຈະປັບປຸງຜົນປະໂຫຍດ ແລະ ຜົນກະທົບທີ່ອາດຈະເກີດຂຶ້ນໄດ້ຈາກໂຄງການ ແລະ ກໍານົດມາດຕະການທີ່ຈະຕ້ອງດໍາເນີນຢ່າງຊັດເຈນເພື່ອຫຼີກເວັ້ນ, ຫຼຸດຈໍານວນ ຫຼື ຫຼຸດຜ່ອນຜົນກະທົບທາງລົບທີ່ອາດຈະເກີດຂຶ້ນ.
ການເຮັດວຽກເພື່ອກຽມ SFEIS ແມ່ນຄາດວ່າຈະສໍາເລັດ ແລະ ຖືກເຜີຍແຜ່ໃນລະດູໃບໄມ້ປົ່ງ/ລະດູຮ້ອນຂອງປີ 2025.
SFEIS ຍັງຈະລະບຸການອະນຸຍາດທີ່ຈໍາເປັນສໍາລັບການອະນຸຍາດພາກສ່ວນ 404 ຂອງໂຄງການ, ພາກສ່ວນຮ່າງ 4(f) ທີ່ໄດ້ປັບປຸງ ແລະ ການປະເມີນຜົນ 6(f), ພາກສ່ວນ 106 ແລະ ຕອບກັບຕໍ່ຄໍາຄິດເຫັນທີ່ໄດ້ຮັບໃນ EIS ສະບັບຮ່າງ.

ຜູ້ປະສານງານຊ່ວຍເຫຼືອ

ຜູ້ຈັດການຝ່າຍຄວາມສໍາພັນສາທາລະນະ

Nkongo Cigolo
612-373-3825
[email protected]

Nkongo Cigolo (ອອກສຽງວ່າ ເອັນ-ຄອງ-ໂກ ຊີກ-ອຶ-ໂລ) ກ່ອນໜ້ານັ້ນເຄີຍເປັນຜູ້ປະສານງານຊ່ວຍເຫຼືອໃຫ້ແກ່ໂຄງການ LRT ເຂດກາງ (METRO Green Line) ແລະ ໂຄງການສ່ວນຂະຫຍາຍ METRO Green Line. ລາວເວົ້າພາສາສະວາຮີລີ, ຝຣັ່ງ, ບັນທູສອງສໍານຽງ ແລະ ອັງກິດ. ລາວຮຽນຈົບຈາກ University of Minnesota.

Brooklyn Park ແລະ Crystal

Joanna Ocasio-Maisonet
[email protected]

Joanna Ocasio-Maisonet ເຮັດວຽກເປັນຜູ້ປະສານງານຊ່ວຍເຫຼືອໃຫ້ແກ່ Metro Transit ກ່ອນຈະເຂົ້າຮ່ວມໃນໂຄງການສ່ວນຂະຫຍາຍ Blue Line. ລາວມາພ້ອມກັບປະສົບການດ້ານການພົວພັນທີ່ຫຼາຍກວ່າ 10 ປີ.

Robbinsdale

James Mockovciak
[email protected]

James Mockovciak (ອອກສຽງວ່າ ໂມ້-ໂຄບ-ອີ-ແອັກ) ມີປະສົບການຊ່ວຍເຫຼືອເປັນເວລາຫຼາຍປີໃນສະຫະລັດ ແລະ ໃນລະດັບສາກົນ. Mockovciak ຮຽນຈົບປະລິນຍາໂທໃນສາຂາການພັດທະນາສາກົນຈາກ Josef Korbel School of International Studies ຢູ່ທີ່ University of Denver.

Minneapolis

Kaja Vang, ຜູ້ຊ່ວຍປະສານງານຊ່ວຍເຫຼືອ
[email protected]

ກ່ອນໜ້ານັ້ນ Kaja Vang ໄດ້ເຮັດວຽກເປັນຜູ້ປະສານງານດ້ານການພົວພັນຊຸມຊົນໃຫ້ແກ່ Three Rivers Park District ແລະ ມີປະສົບການເຮັດວຽກກັບໄວໜຸ່ມຫຼາຍ. Vang ຮຽນຈົບຈາກ St. Thomas ໃນສາຂາວິທະຍາສາດດ້ານສິ່ງແວດລ້ອມ.

ການຂໍຜູ້ເວົ້າ

ເພື່ອຂໍຜູ້ເວົ້າສໍາລັບກອງປະຊຸມຊຸມຊົນ ຫຼື ງານອື່ນໆ, ກະລຸນາຕິດຕໍ່:

Nkongo Cigolo, ຜູ້ຈັດການຝ່າຍຄວາມສໍາພັນສາທາລະນະ
[email protected]

ການຂໍຂໍ້ມູນ

ຂັ້ນຕອນການເຂົ້າເຖິງຂໍ້ມູນຂອງສະພາເມືອງຫຼວງ ອະທິບາຍກ່ຽວກັບຂັ້ນຕອນສໍາລັບການຂໍຂໍ້ມູນສາທາລະນະ, ສ່ວນຕົວ ຫຼື ທີ່ເປັນຄວາມລັບທີ່ເກັບໄວ້ໂດຍສະພາ, ລວມທັງຂໍ້ມູນທີ່ກ່ຽວຂ້ອງກັບໂຄງການສ່ວນຂະຫຍາຍ METRO Blue Line. ໜ່ວຍງານຮັບຜິດຊອບຂອງໂຄງການສໍາລັບການຂໍຂໍ້ມູນ: [email protected]

ການສອບຖາມຂອງສື່ມວນຊົນ

ອົງການຈັດຕັ້ງສື່ມວນຊົນຄວນຂໍຂໍ້ມູນໂດຍກົງຈາກ:

Laura Baenen
[email protected]
612-269-4365 